Wednesday, March 14, 2012

നിന്റെ അനുവാദത്തോടെയല്ല..

ഞാന്‍ നിന്നെ സ്നേഹിച്ചതും..
എന്‍റെ മനസ്സില്‍ നിന്നെ പ്രതിഷ്ടിച്ചതും
നിന്റെ അനുവാദത്തോടെയല്ല
നീ എന്നെ വെരുത്തതും എന്നെ അകന്നതും...
എന്‍റെ അനുവാദത്തോടെയുമല്ല
നാം ഒരിക്കലും പരസ്പരം
അനുവാദം ചോദിച്ചിട്ടില്ല.... ഒന്നിനും..
ഇന്ന് ഞാന്‍ നിന്റെ ഓര്‍മ്മകള്‍..
ഇവിടെ കുറിച്ചിടുകയാണ്...
നിന്റെ അനുവാദം ഇല്ലാതെ..
പക്ഷെ ഒരു വാക്ക് കൊണ്ട് പോലും....
നിന്നെ വേദനിപ്പിക്കരുത്..
എന്ന ആഗ്രഹത്തോടെ....

- സഹര്‍ അഹമ്മദ്‌
 

Friday, March 9, 2012

കഥ :: കാത്തിരിപ്പ്...

കഴിഞ്ഞ കുറച്ചു നാളുകളായി അയാള്‍ മരണത്തോട് മല്ലിടുകയാണ്...
വൃദ്ധസദനത്തിന്റെ അധികൃതര്‍ മകനെ വിവരം അറിയിച്ചിട്ടുണ്ട്..
ഇന്ന് വരും നാളെ വരും എന്ന് പറയുന്നുണ്ടെങ്കിലും തിരക്കുകള്‍ ഇടയില്‍...
അവനു എത്തിച്ചേരുവാന്‍ ആവുന്നില്ല..തന്റെ മകന്റെ മടിയില്‍ കിടന്നു, അവന്‍റെ കയ്യില്‍
നിന്ന് ഒരു തുള്ളി വെള്ളം കുടിച്ചു മരിക്കുവാന്‍ അയാള്‍ ആഗ്രഹിക്കുന്നുണ്ടായിരുന്നു..
പക്ഷെ അതിനു മുന്‍പേ അയാള്‍ യാത്രയായി..എന്നിട്ടും ചടങ്ങുകള്‍ക്കായി അധികൃതര്‍
മകനെ കാത്തുനിന്നു..തണുത്തുറക്കുന്ന ആ ശരിരം കണ്ടു കണ്ടുനിന്നവര്‍ അടക്കം പറഞ്ഞു:
" ഇങ്ങനെയൊക്കെ ഏറ്റുവാങ്ങുവാന്‍ അയാള്‍ എന്ത് പാപമാണ് ചെയ്തത്.."

Tuesday, March 6, 2012

ആരാണ് തെറ്റുക്കാര്‍..

ഓരോ കുട്ടിയേയും boarding ലേക്ക് അയക്കുന്ന..
മാതാപിതാകള്‍ പറയുന്നത്... അവരെ അങ്ങനെ അയകുന്നത് 
സ്നേഹം കൊണ്ടാണ് എന്നാണ്...
നല്ല വിദ്യാഭാസം ലഭിക്കുവാന്‍.. മക്കള്‍ക്ക്‌ നല്ല ഭാവി ഒരുക്കുവാന്‍...
പക്ഷെ അപ്പോള്‍ മാതാപിതാകള്‍ അറിയുന്നില്ല..
അവര്‍ നിഷേധിക്കുന്നത് സ്നേഹമാണ് എന്ന്...
മക്കള്‍ വളരുമ്പോള്‍...അവരും അതു തന്നെ ചെയ്യുന്നു...
തിരക്കേറിയ ജീവിത സാഹചര്യത്തില്‍ നല്ല പരിചരണവും...
നല്ല ചികിത്സയും ലഭിക്കുവാന്‍.. അവര്‍ മാതാപിതാകളെ ...
വൃദ്ധസദനത്തില്‍.. അയക്കുന്നു....
അപ്പോള്‍ ആരാണ് തെറ്റുക്കാര്‍...
മാതാപിതാകള്‍ ആണോ...?
അതോ...മക്കളോ...?

ഉണ്ണിയും അമ്മയും...

ഉണ്ണി തന്‍ കണ്ണീരു കാണാത്തൊരു അമ്മ തന്‍
കണ്ണീരു കാണാത്തത് തെറ്റാണോ...?
എന്നും ശാപവാക്കുകള്‍ മാത്രം...
മൊഴിയുന്നൊരു അമ്മയെ വെറുക്കാമോ...?
എല്ലാം തെറ്റെന്നു ചൊല്ലി അകറ്റുന്ന..
അമ്മ തന്‍ തെറ്റ്  മറക്കാമോ...?

ആയിരം രാവുകള്‍ ഉറങ്ങാതെ 
പൊഴിച്ചൊരു കണ്ണീരു കാണാതിരിക്കാമോ..?
മുറിവേറ്റ മനസ്സിന്
സ്വാന്തനം ഓതിയ അമ്മ തന്‍
വാക്കുകള്‍ വെറുക്കാമോ..?
ഇടറുന്ന ചുവടില്‍ കൈവിരല്‍ നല്‍കിയ..
അമ്മ തന്‍ സ്നേഹം മറക്കാമോ...?

അമ്മ ഉണ്ണിയെ ഒത്തിരി വെറുത്താലും..
അമ്മയെ വെറുക്കുവാന്‍ ആവുകില്ല...
ഒരു നാളും വെറുക്കുവാന്‍ ആവുകില്ല...

മഴവില്ല്...

എന്‍റെ സ്വപ്നങ്ങളെല്ലാം...
മഴവില്ല് പോലെ നിറം ഉള്ളതായിരുന്നു..
പക്ഷെ അവയൊക്കെയും മഴവില്ല് പോലെ..
കുറച്ചു നേരത്തേക്ക് മാത്രമായിരുന്നെന്ന്..
ഞാന്‍ അറിഞ്ഞിരുന്നില്ല..

Monday, March 5, 2012

കാര്‍മേഘങ്ങള്‍

എന്നെ തലോടുന്ന കുളിര്‍ കാറ്റുകള്‍ ഒന്നും തന്നെ
എന്‍റെ മനസിനു തണുപ്പെകുന്നില്ല....
എന്‍റെ തല മുകളില്‍ പെയ്യാന്‍ വെമ്പി നില്‍കുന്ന
ഈ കാര്‍മേഘങ്ങള്‍ ഒന്ന് പെയതിരുന്നുവെങ്കില്‍
എന്ന് മാത്രമേ ഞാന്‍ ഇപ്പോള്‍ ആഗ്രഹികുന്നുള്ള്....

Sunday, March 4, 2012

ചിതല്‍...


ഒരു ഇടവേളയ്ക്കു ശേഷം..
പുനര്‍ വായനക്കായി...മനസ്സിന്റെ...
ജാലകങ്ങള്‍ തുറന്നപ്പോള്‍...
ഓര്‍മകളില്‍ പലതും...
ചിതലെടുത്തിരിക്കുന്നു...

Saturday, March 3, 2012

അവര്‍ ജീവിക്കട്ടെ

മരണം പലരേയും മഹാന്മാരാക്കും,
അതു കൊണ്ട് തന്നെ അവരെ ക്രൂശിക്കുവാന്‍ ഞാന്‍ ഇല്ല...
അവര്‍ ജീവിക്കട്ടെ ചിലരുടെ മനസ്സിലെങ്കിലും....
മഹാന്മാരായി തന്നെ...

എന്‍റെ മനസ്സ് ഇപ്പോള്‍ ഏറെ ശാന്തമാണ്...

എന്‍റെ മനസ്സ് ഇപ്പോള്‍ ഏറെ ശാന്തമാണ്...
ഞാന്‍ കാണാതെ പോയ പലതും ഞാന്‍ അറിയുന്നു....
വൈകിയിട്ടില്ല.. അതിനാല്‍ ഞാന്‍ തിരിച്ചു നടക്കുകയാണ്....
എന്‍റെ ജന്മ ലകഷ്യങ്ങളും തേടി...
ഞാന്‍ നിങ്ങളോട് ചെയ്ത എന്‍റെ തെറ്റുകള്‍...
നിങ്ങള്‍ എനിക്ക് പൊറുത്തു തരിക...