Wednesday, December 25, 2013

കവിത :: പ്രാസിംഗകൻ

അമ്മയെ തെരുവിൽ ഉപേക്ഷിച്ചവൻ 
തെരുവിൽ നിന്ന് ഉറക്കെ പ്രസംഗിക്കുന്നു 
പുഴയും നദിയും കടലും 
ഭൂമിയും പ്രകൃതിയും പിറന്ന നാടും 
അവനു അമ്മയാണത്രെ..!

- സഹർ അഹമ്മദ്‌

കവിത :: കനൽ

തെരുവിൽ ആരോ ഉപേക്ഷിച്ച 
സിഗരറ്റിലെ എറിഞ്ഞു തീരാത്ത 
കനലായിരുന്നു അവൾ 
എങ്കിലും അവർ അവളെ ചവിട്ടിമെതിച്ചു..

- സഹർ അഹമ്മദ്‌

Thursday, December 19, 2013

കവിത :: ഒഴുക്ക്

ജീവിതത്തിന്റെ മഴവെള്ളപാച്ചലിൽ 
ഒഴുക്കിനൊത്തു  നീന്തി കരകയറുവനാവും 
എന്നിട്ടും ഒഴുക്കിനെതിരെ നീന്തി 
കരകയറിയതാണവൽ 
പടച്ചവൻ പൊറുത്താലും 
പൊറുക്കാത്ത പടപ്പുകൾ 
ക്രൂശിക്കുകയാണ് ഇന്നവളെ..!

- സഹർ അഹമ്മദ്‌ 

Sunday, December 8, 2013

കഥ :: പകരം

രക്തസാക്ഷിയുടെ മകൾ നേതാവിനോട് ചോദിച്ചു: എന്റെ അച്ഛനു പകരം നിങ്ങൾ അയൽപക്കത്തെ കുമാരേട്ടന്റെ ജീവനെടുത്തു, പക്ഷെ എന്റെ അച്ഛന് പകരം നിങ്ങൾ എനിക്കെന്ത് തന്നു...!

- സഹർ അഹമ്മദ്‌

Thursday, December 5, 2013

കവിത :: പങ്കു വെക്കൽ

ഒരു അമ്മയുടെ ഗർഭപാത്രത്തിൽ 
ഒരുമിച്ചു കിടന്നിട്ടും..
നിമിഷങ്ങളുടെ വ്യത്യാസത്തിൽ 
പിറന്നു വീണിട്ടും..
ബാല്യവും കൗമരവും 
ഒന്നിച്ചു ജീവിച്ചിട്ടും..
അവർക്ക് ഇന്ന് ഒരു വീട് 
പങ്കുവെക്കുവാൻ ആവില്ലെന്ന്..!

- സഹർ അഹമ്മദ്‌ 

Sunday, December 1, 2013

കഥ :: കൈയേറ്റം

തെക്കേ തൊടിയിലെ മാവിൽ വവ്വാലുകൾ കൂട് വെച്ച് കലപില കൂട്ടിയപ്പോൾ ഞാൻ ആ മാവ് മുറിച്ചു. ഇന്ന് അവർ എന്റെ വീട് കൈയേറുന്നു.

- സഹർ അഹമ്മദ്‌