കവിത :: സഖി, നീ എന്നോട് ചോദിക്കുന്നത്...

സഖി, നീ എന്നോട് ചോദിക്കുന്നത് 
നിന്നെ അകന്നോ എന്നാണ്,
നിന്നെ അകലുവാൻ മാത്രം 
അടുപ്പം ഒന്നും നീയെന്നിൽ തീർത്തിട്ടില്ല..

സഖി, നീ എന്നോട് ചോദിക്കുന്നത് 
നിന്നെ മറന്നോ എന്നാണ്,
നിന്നെ ഓർക്കുവാൻ മാത്രം 
ഓർമ്മകൾ ഒന്നും നീയെന്നിൽ ബാക്കിവെച്ചിട്ടില്ല..

സഖി, നീ എന്നോട് ചോദിക്കുന്നത്
നിന്നെ വെറുക്കുന്നോ എന്നാണ്,
നിന്നെ വെറുക്കുവാൻ മാത്രം
തെറ്റുകൾ ഒന്നും നീയെന്നോട്‌ ചെയ്തിട്ടില്ല..

നീ എന്നോട് ചോദിക്കുന്നത്
എനിക്ക് ഉത്തരമില്ലാത്ത ചോദ്യങ്ങളാണ്
പലപ്പോഴും ചോദ്യങ്ങൾ തന്നെയാണ്
ഏറ്റവും നല്ല ഉത്തരങ്ങൾ...

- സഹർ അഹമ്മദ്‌