രാത്രിമഴയും.. ഉമ്മയുടെ മുത്തവും..

പുറത്തു ഇപ്പോഴും മഴ പെയ്യുകയാണ് 

കുട ചൂടാതെ മഴ നനയുവാൻ ആണ് 

മനസ്സ് കൊതിക്കുന്നത് 

ഒടുവിൽ റൂമിന്റെ വരാന്തയിൽ നിന്ന് 

മഴ അസ്വദിക്കുന്നു..

രാത്രിമഴ വല്ലാത്തൊരു അനുഭൂതിയാണ് 

നിശബ്ദമായി അമ്മ കുഞ്ഞിനു മുത്തം 

നൽക്കുന്നത് പോലെയാണ് 

ഓരോ  മഴത്തുള്ളിയും 

മണ്ണിലേക്ക് പെയ്തിറങ്ങുന്നത് 

എന്റെ കവിളിൽ പതിച്ച മഴത്തുള്ളിക്ക് 

എന്റെ ഉമ്മയുടെ മണം ആയിരുന്നു,

കുഞ്ഞു നാളിൽ ഉമ്മ തന്ന മുത്തത്തിന്റെ മണം..

- സഹർ അഹമ്മദ്