കവിത :: മലാല നീ ഉറക്കെ ശബ്ദിക്കുക..

മലാല, നീ പറയുന്നു വെടിയുണ്ടകൾ..

നിന്നെ നിശബ്ദയാക്കില്ല എന്ന് 

എങ്കിൽ മലാല, നീ ഉറക്കെ ശബ്ദിക്കുക..

നിനക്ക് സ്തുതി പാടുന്ന, നിന്നെ വാഴ്ത്തുന്ന 

സാമ്രാജ്യത്വ ശക്തികൾക്കെതിരെ...

പിറന്നു വീഴും മുൻപേ കുരുതി ചെയ്യപ്പെടുന്ന..

നിന്റെ സഹോദരങ്ങൾക്ക്‌ വേണ്ടി..

ഉറങ്ങി കിടക്കുമ്പോഴും, കല്യാണവീടുകളിലും 

വിളികാതെ വിരുന്നു വരുന്ന 

മിസൈൽ ആക്രമണങ്ങളിൽ മരണമടിയുന്ന..

നിരപരാധികൾക്ക്‌ വേണ്ടി...

അതെ.. മലാല, നീ ഉറക്കെ ശബ്ദിക്കുക..

നിനക്ക് സ്തുതി പാടുന്നവരുടെ..

മുഖമൂടി നാടകങ്ങൽക്കെതിരെ..

- സഹർ അഹമ്മദ്‌